Swift a nòkout Destroyers 18 pa 4 i Baranka ta dal Dalpega duru 19 pa 7
WILLEMSTAD - Swift a dal Destroyers ayera relatívamente fásil pa nòkout 18 pa 4 i Baranka a bati Dalpega 19 pa 7 den e último weganan di promé buelta di Liga van Engelen.
RESULTADONAN
Swift 19, Destroyers 4
Swift a bati 17 hit i hasi 1 eror. Raylison Gijsbertha a gana i Gedion Sambo a bati di 2-2. Dave Kirindongo i su ruman Randy Kirindongo a konektá homerun.
Destroyers a dal 9 hit i hunga sin eror. Miro Daal a pèrdè i Ardley Jansen a bati di 3-2. Urving Sambo tambe a bati di 3-2. Danny Nunez a dal un homerun.
Baranka 19, Dalpega 7
Baranka a konektá 19 hit i hunga sin eror. Kenrick ‘Refuse to Loose’ Hellement a gana i su primu Julius Veeris a bati di 4-3.
Stanford Landburg, Luigi Virginia i Curby Brunken a dal un homerun.
Dalpega a konektá 8 hit i hasi 6 eror. Shurendy de Lima a pèrdè i Raynys Faries a bati di 4-3. Raynys Faries a konektá un homerun.
