Welatina kampion Torneo Homenage Aubrey Martina
WILLEMSTAD - Den un torneo kòrtiku pero ku bon asistensha, e ekipo di Welatina a gana di Buena Vista i asina bira kampeon di torneo homenage na Aubrey Martina.
Aubrey ta yu di Tonchi Martina q.e.p.d. ku antes tabatin e ballpark pegá ku hotel Veneto ku tabata yama Don Nicho Hurtado.
Aubrey semper tabata pegá ku su tata i a yuda masha bon mes pa loke ta deporte na e ballpark, spesialmente ku beisbòl di mucha. Despues ela bai Hulanda
kaminda e ta establese te ku awe. Na Hulanda Aubrey ta empayá, yuda drecha tereno ets. ets. ora ku tin aktividatnan deportivo.
Bo no mester pidiele, Aubrey mes ta subi tereno i kuminsá yuda. Djabièrnè pasá, Johnny Isabella a pone un homenage pa Aubrey den pura, ya ku Aubrey mester a move bek pa tera friw. Pabien na Aubrey Martina, un gran amigu di Softballcuracao.com.
