Warriors i Treasure New Era a gana den The Champions League
WILLEMSTAD - E kampionato di The Champions Softball League a kontinuá djabièrnè 24 di yüni na Frank Curiel Ballpark i a registrá e siguiente resultadonan.
Warriors 6, Rising Trotters 4
E ekipo di Warriors ku tin intenshon serio e aña aki ta logra nan di dos viktoria di e kampionato derotando Rising Trotters ku skor di 6-4. Picher ganadó pa Warriors tabata Minerva Maduro. Na bate a destaká Gertrudes Cordilia di 2-2.
Picher pèrdèdó pa Rising Trotters, Moja Hooi. Mihó na bate, Yaira Antersijn di 2-2.
Treasure New Era 4, The Champions 1
Treasure New Era tras di bon labor di Sevilla Martina ta gana di The Champions.
Pa Treasure 4 kareda, 6 hit i 2 eror. Picher ganadó Sevilla Martina. Na bate Xiomara de Windt di 1-1.
Pa The Champions 1 kareda, 7 hit , 2 eror. Picher pèrdèdó, Nydia Daal. Na bate Brunaila Felipie di 3-2.
