Liga Trai Seru a termina eksitoso i ta preparando selekshon pa Santo Domingo
WILLEMSTAD - Algun siman patras, Liga Trai Seru 2011 a yega su fin. E Liga a hunga ku 8 ekipo, dos buelta i termina den un tempo rekort.
Awor e liga ta preparando pa bai Santo Domingo ku un delegashon grandi.
Ta uniko liga ku tin selekshon ku ta sali for di Korsou. E ekipo di Domi a bira kampeon ora nan a gana Catpower den dos wega riba djadomingo.
Domi a perde djasabra den un wega dramatiko i nan ta rekupera, bin gana dos djadomingo kontra tur pronostiko i bai ku e titulo maksimo di e liga. Pa otro siman lo bai yama tur hungador selekta pa kuminsa ku tramite pa e liga por move pa Santo Domingo 2 pa 9 November 2011. Un danki special na Polar ku tabata e sponser prinsipal di e liga i tambe na Coca Cola sr.Wong.
Tambe liga kier a yama gerensha di Cirilio Chirino Ballpark danki pa e preis special ku e liga a risibi. Danki na : Seru Fortuna Brothers, T.N.T., Attack, Universitario, Clase Aparte, Kima Liga, Catpower i Domi Lions. Un danki tambe na umpire, scorer, trahadornan di bar i kushina. Nos lo no kier lubida Wendel van het Kruis ku a drecha i limpia tereno pa e liga i na final ela risibi un kos gordo bai kas kune.
