Minor Liga Pariba lo hunga hopi wega di fogeo
WILLEMSTAD - Djaluna 13 di yüni 2011 Softballcuracao.com a kombersá ku Elmer Koeiman, ku ta manager di selekshon Minor Liga Pariba.
Manera ta konosí Liga Pariba Minor a gana e derecho pa representá Kòrsou den e kampionato Latino Amerikano di Minor League ku lo tuma lugá na Colombia.
Elmer: “Nos a gana 3 wega i pèrdè un wega. Mi tabata ke gana tur pero ya.. nos a logra klasifiká tòg relatívamente fásil.
Nos a pèrdè e último wega kontra Liga Pabou pèrtá 6 pa 5.
Den e promé wega nos a gana nan 10-0.
Nos a terminá ku 11 kareda kontra total den 4 wega i liga Pabou tabatin 19 kareda kontra, ke mèn un dife-rensia hopi grandi i nos no tabatin masha preshon i nos lo klasifiká fásil.
Nos a sosegá siman pasá i e siman aki nos lo train.
E biaha ta te na komienso di sèptèmber i e muchanan ta bon di train kaba. Nos lo bai hunga hopi wega di fogeo.
E timnan di Little ku ta disponibel pa nos trein kontra nan i ku ke koperá ku nos, nos lo trein. Ke mèn ku bendishon di nan nos lo trein.
Nos tin un tremendo ekipo, riba tur liña nos ta bon. Kasi tur mucha por picha, bateo ta tremendo i fildeo tambe ta bon.
Nos tin masha hungadó ku spit tambe ku ta pone
preshon riba e tim kontrali.”
MINOR LEAGUE
Nos a puntra Elmer Koeiman kuantu aña e ta manager di Little League.
“Mi ta manager for di aña pasá. E manager a kai afo i mi mester a fungi komo manager i nos a bira kampion. Mi tabata coach den e selekshon promé ku e manager kai afo i mi a bira manager. E aña aki direktiva a apuntá mi komo manager. Minor di Liga Pariba tin 3 aña siguí ta gana play-off. Aña 2008 Pancho Chirino tabata manager. Mi gusta traha ku e muchanan di Minor, nan ta masha obedesido. Bo ta traha hopi fásil e ora ei i loke bo ke ta pasa riba tereno.Ku e fundeshi ku nos tin mi ta mira Liga Pariba hopi fuerte den tur liga e próksimo añanan.
Nos tin hopi prospekto, por poko nos a sweep. Den Junior nos no a klasifiká pero pa un kareda.
Liga Sentral tambe ta biniendo bon i mester tene kuenta ku nan”, Elmer Koeiman a terminá e entrevista ku softballcuracao.com.
