Catpower a nòkout Swift ku skor di 14 pa 4 djaweps den Liga 40
WILLEMSTAD - Catpower a nòkout Swift 14 pa 4 djaweps 9 di yuni den kontinuashon di Liga 40.
E wega a kuminsá net na ora i pone yen di hungadó na kareda. E promé wega entre Q-Rangers i Baranka no a tuma lugá debí ku Q-Rangers no e logra forma 9 hungadó.
Liga 40 ta sigui djamars ku dos wega. Pa 7.30 Rising Trotters ta topa Baranka i despues Q-Rangers ta dal den Swift. Bati Pieternella a gana pa Catpower.
