Calabas Blue Jays kampion kopa ABC 2011 edishon 28
ORANJESTAD - Calabas Blue Jays ta aplasta Baranka 22-8 den final
Siman pasa desde 31 di mei pa 5 di Juni a tuma lugar riba veld di Dragon Hitters tambe conosi bow di e nomber di Veld di Duracell e grandioso Copa ABC 2011 cual e aña aki a wordo organisa pa Happy Brothers Softball Team.
Na promer lugar mester duna un pabien na e organisadornan pa e tremendo torneo cual porcierto tabata tin un gran acohida y un publiko di kita sombre.
Mas cu klaro Heineken kende tambe a aporta pa cu e torneo aki , Divi Resorts , Cocacola, doñonan di e tereno, umpires y scorers y tur cu di un of otro manera a hasi esaki posibel. Diadomingo den e promer wega Calabas Blue Jays ta
crusa contra Teremoto y ta sali victorioso y como e uniko team di Aruba cu a clasifika contra 3 team di Corsow a logra elimina un team grandi di Corsow ga-rantizando su spot den final.
Den e di dos cruse di dia Baranka ta elimina e Tri-Campeon Swift y asina Baranka ta bay topa Calabas Blue Jays den e grandioso final. Wel un Chomon skerpi riba montículo a domina Baranka por total. Calabas cu nan batenan na candela a vapulia pitcher habridor di
Baranka Davelaar sin mise-ricordia. Finalmente Calabas Blue Jays ta logra e titulo máximo ganando cu score di 22-8. MVP a resulta Albert ‘Chomon’ Boekhoudt.
Champion Batter di e torneo a resulta Jetro Mohamed di Guadirikiri Boys cu a bay di 9-8. Champion Homerun ta Sendley Alberto di NS Braves di Bonaire cu un total di 5. Champion Pitcher cu 2 gana y 0 perdi ta e motor diesel Alvaro Barrios.
Na di cuater lugar Teremoto, na di 3 lugar Swift, Sub Campeon Baranka y campeón indiscutibel Calabas Blue Jays.
Bario di Calabas tabata di fiesta te den oranan di mainta. Si e palo di kwihi por papia!!!! Happy Brothers Softball Team kier gradici un biaha mas tur sponsors-nan, colaboradornan, su miembronan y e famia grandi kendenan tur a pone un man pa por realisa esaki.
Presidente Poy Flanegin a splika cu e torneo tabata uno hopi grandi y exitoso y sigur cu nan organización tambe a siña di esaki.
Danki Aruba pa e aporte!!!!
