Catpower ta gana Destroyers 9 pa 4 den Torneo Baranka
Djabierne 28 di yanüari 2010 Torneo Baranka a start na Cirilo Chirino Ballpark.
Den e promé wega e ekipo Catpower a gana Destroyers 9 pa 4.
Catpower a presentá ku un ekipo bon reforsá, miéntras Destroyers a presentá kargá ku veterano.
Den wega number 2 Baranka a gana Buena Vista Power ku skor di 4-3. Un tremendo wega ku Buena Vista Power ku picheo di Nonni De Roon tabatin ganá 3-0 te den último inning.
Ku un out Willy Reinita ta embasá via eror. Andley Simmons ta dal hit i Stanford Landburg ta bati homerun pa empatá e wega.
Baranka ta bai ariba den extra inning i Buena Vista Power no ta logra nota
kareda. Buena Vista Power a presentá kargá ku hungadónan profeshonal.
