Situashon di Suvek Ballpark ta Day to Day debí na hopi awaseru
WILLEMSTAD - Aschwin ‘Pim’ Fangman motor tras di Liga Amstel i Liga 40 i hòmber klave den moveshonnan na Suvek Ballpark a bisa Softballcuracao.com djamars 9 di novèmber 2010 mainta ku situashon di Suvek Ballpark ta ‘Day to Day’.
Pim Fangman: “E awaseru ku a kai ta pone ku e tereno ta hopi saturá.
Solo mester sali bon i keda henter dia i anochi i den oranan di mardugá awa no mester kai atrobe. Nos tin Liga 40 poné pa djaweps pa loke ta trata e último dos weganan di kampionato i play-off page system pa start otro siman djamars. Liga Amstel nos tin pendiente pa djabièrnè i djasabra.
Van Engelen naturalmente djadumingu. Nos no a skèdjel wega di Liga Amstel pa djarason debí ku e vèlt probabelmente lo no ta kla ainda. Tur hungadá i fanátiko mester keda pendiente.”
