Nos Union ta dal Santa Maria 16 pa 8 i Santa Rosa Memories ta gana Vosama
WILLEMSTAD - Nos Union a gana Santa Maria ku skor di 16 pa 8 ayera na Vi Jansen Ballpark den e fase final di kampionato regular di Beisbòl Veterano.
Ku e viktoria di Nos Union aki ta bini un empate na di kuater lugá entre Santa Maria Pirates i Nos Union.
E wega di deskite lo tuma lugá djasabra 13 di novèmber 1’or di mèrdia na Vi Jansen Ballpark. E ganadó di e wega aki lo terminá number 4 i mester enfrentá Santa Rosa Memories den play-off.
Santa Rosa a gana Vosama ayera ku skor di 7-4.
VOSAMA/THE BEARS
E play-off entre Vosama i The Bears ta start djasabra 3’or na Vi Jansen Ballpark.
E ekiponan a terminá ku mesun rekòrt, 18 ganá i 4 pèrdí. The Bears a gana Vosama na dos okashon durante temporada regular
