Curaçao Softball

Tin rumor ku direktiva di Liga Amistad a saka GGD for di Liga pa temporada 2012

Softballcuracao.com a tende rumor for di dife-rente skina ku Liga Amistad tin idea di saka GGD for di e liga. Nos a buska informashon i algun persona a bisa nos ku nan tambe a tende e rumor.

Nos te kere si ku niun Liga no ta bai saka un ekipo ku no komportó malu. Un ekipo ku ta krítiko riba maneho di e direktiva no por keda saká for di e liga.

Den kurso di siman nos lo trata di drenta den kontakto ku e direktiva demishonario di Liga Amistad pa haña mas detaye.

NOS KU NOS

Parse ku e ekipo Nos ku Nos lo no bandoná Liga Amistad.

E ekipo di famia di spònser pa Botka Mampurito ta hasi lo máksimo pa nan tei den 2012 den Liga Amistad.

En todo kaso Softballcuracao.com ta kere ku tur esakinan ta rumor i ku Liga Amistad lo tei normal ku kasi tur ekipo den 2012.

Sherton Saturnino sigur pa The Bears den 2012

WILLEMSTAD - Sherton ‘Sato’ Saturnino a duna The Bears OK ku elo hunga ku nan den 2012 den Beisbòl Veterano.

Sato tabata duda ku elo keda den Royal Scorpions òf bai hunga ku e ekipo Santa Rosa Indians den 2012.

Den luna di yanüari 2012 Sato a papia ku The Bears i a basha firma ku e ekipo superkampion di Beisbòl Veterano.

Dok i Flow a gana den 3rd Refineria Isla Softball tournament

WILLEMSTAD - Djabièrnè, 20 di yanüari tabata tin kontinuashon Torneo Isla na Post 6 ku 2 tremendo partido. Den e prome partido Polis nan a lucha tremendo kontra di un ekipo di CDM basta sólido, pero nan a kai chiki nèt na final ku skor di 11 pa 8.

Den e segundo wega a toka turno na Kooyman pa haña 2 instalashon gratis di FLOW den kantor di sr Garcia i jufr. Stins. Flow a dal Kooyman pa nòkout 14 pa 2.

Dok 11, Polis 8

Dok a dal 12 hit i hasi 1 eror. Gercival Cathlin a gana i Deangelo isidora a bati di 2-2. Giovani Viscaino tambe 2-2. Gersival Cathlin, Luisgardo Alvarez i Bertison Ignatia a dal un homerun.

Polis a bati di 12 hit i kometé 1 eror. Geralton Martha a pèrdè i Jurgen Faneyt a bati di 2-2.

Royal Scorpions a la karga pa ripití nan titulo di Dòbel A

WILLEMTAD - E ekipo di Royal Scorpions ta tras di varios hungadó di nòmber den Dòbel A ku plan pa ripití nan titulo den 2012.

Manera ta konosí Royal Scorpions a sali kampion Dòbel A den 2011 despues di basta aña.

Royal Scorpions ta tras di Ryan Ilario i Quincy Martina di Santa Rosa. Tin indikashon ku e tremendo hungadó di Curacao Yankees ku a terminá su estudio na Merka, Frensley Martina lo pasa pa Royal Scorpions.

Dave Kirindongo, picher i batiadó di poder ta práktikamente kla pa pasa pa Royal Scorpions.

Kustwacht i Klínika Capriles a gana den Torneo Isla

WILLEMSTAD - Kustwacht a dal CIS fásil 12 pa 1 i despues Klínika Capriles a zona Omni 12 pa 8. Bon públiko djaweps 12 di yanüari pa mira e weganan den Stadion Post 6.

Awe tin dos wega. Den e promé partido e ekipo MCB lo debutá kontra Building Depot i despues lo sigi Kooyman vs Haf.

Nos a risibi un komunikado di e PR di e torneo ku ta Luigi Yanez.

“Despues di un ousensia chiki asina…..mi tei bek.

Manera bosnan sa kaba

Torneo Isla ta a la karga i weganan a kontinuá ayera nochi. Kustwacht a sali brabu brabu den nan promé wega i laga sa ku nan tei zowel riba awa komo riba tera.Nan a tira un inval den e kompania CIS mesora.

Klinika Capriles tambe a bin ku un ofensiva style di hopi skuma ( hit) i tiki chukulati ( kareda) pero nan a sali for di porta grandi tòg.

Omni di Jolly Juliana i Lebe Lebe Duggan a pasa mesora den kuido intensivo (2 pèrdí).”, esaki ta loke Luigi Yanez a sita den su komunikado.

Torneo Refineria Isla ta sigi e wikènt aki ku varios wega kandela. Ekiponan grandi manera Flow i UTS/TDS ta debutá e siman aki.

Bulldogs a gana dos wega den wikènt i klasifiká na puesto number 4 den Beisbòl Veterano

WILLEMSTAD - Bulldogs di Denley Marten a gana Quality Stars djasabra i derotá Santa Maria Pirates djadumingu pa klasifiká komo ekipo number 4 den e kampionato di Beisbòl Veterano 2011.

Djasabra Hensley Josephina tabata e picher habridó pa Bulldogs. Hensley no tabatin un bon salida i a tuma 3 kareda den promé inning i 4 kareda den inning number 2. Josephina a haña bon respaldo di bateo di su ekipo i a rekuperá i mantené su ekipo den bataya. E wega a terminá ku skor di 17-7. Randolph Mercera tabata e picher pèrdèdó pa e ekipo Quality Stars.

SANTA MARIA

Den e otro deskite Santa Maria Pirates a gana Azucar ku skor di 7 pa 3 djasabra.

Arthur Bonevacia a tira wega kompletu pa Santa Maria djasabra miéntras Franklin Leuteria, Raymond Zoerka i Revelino Moesker tabata a lansadónan pa Azucar.

BULLDOGS

Ayera Elroy ‘Roy’ Philips tabata tremendo riba montíkulo pa e ekipo Bulldogs gana Santa Maria 8 pa 2.

Bulldogs a demostrá un ofensiva bárbaro durante e dos weganan di e wikent.

Bulldogs lo enfrentá The Bears i Santa Rosa lo topa Vosama e wikènt aki na Vi Jansen Ballpark.

Kampionnan Liga van Engelen for di 1993

KAMPIONNAN LIGA VAN ENGELEN

1993 Swift

1994 Swift

1995 Dalpega

1996 Baranka

1997 Baranka

1998 Dalpega

1999 Swift

2000 Baranka

2001 Baranka

2002 Baranka

2003 Baranka

2004 Swift

2005 Buena Vista Power

2006 Baranka

2007 Baranka

2008 Buena Vista Power

2009 Swift

2010 Swift

Jaws a gana Marlins i klasifiká pa final di Liga 50

WILLEMSTAD - Jaws a gana Marlins ku skor di 8 pa 5 i klasifiká pa final di Liga 50. Djasabra awor 4’or e ekipo Jaws lo topa ku nan amigunan Sharks den final.

Wilfred File tabata den gran forma atrobe pa Jaws gana e wega. E veteranísimo Benigino ‘Bencho’ Imperator tabata tremendo na tersera base pa sigurá e viktoria.

Jandoret a nòkout Cicoza 19 pa 7 i derotá Teremoto 9 -5 den Liga Un i Tur

WILLEMSTAD - Liga Un i Tur a sigi wikènt pasá ku weganan riba djasabra i djadumingu.

Djabièrnè no tabatin wega debí na mal estado di tereno. Jandoret Raiders a dal dos grandi den fin di siman. Djasabra Jandoret a gana Cicoza pa nòkout 19 pa 7 i djadumingu Raiders a gana Teremoto 9 pa 5.

STANDING

Thrillers 15-2

Bou di Palu 12-5

Jandoret 11-5

Terremoto 12-6

Terremaster 12-6

Cicoza 10-8

Forsa 10-8

Pepina 3-14

Isla Rangers 2-16

Latinos 1-17

E situashon ta basta pèrtá.

Thrillers a sigurá su klasifikashon i Jandoret tin dos wega pendiente i Bou di Palu falta un wega.

Universitarios a gana Latinos 6 pa 5 i Chincho a gana Omel 9 pa 5

WILLEMSTAD - Universitarios a gana Latinos 6 pa 5 den Liga Amstel.

Despues di e viktoria Universitarios a keda dal bitter na Suvek ku Latinos.

Dirigentenan di Latinos a yama esnan di Liga Un i Tur i bisa ku nan no ta bini e wega na Post 6 bálido pa kampionato Liga Un i Tur.

Direktiva di Liga Un i Tur ta hopi rabiá ku e aktitut aki.

Keda pendiente pa mas informashon.

Universitarios 6, Latinos 5

Universitarios tabatin 8 hit i nan a kometé 1 eror.

Fernando Rosario tabata picher ganadó, miéntras Elvin Wawoe a bai di 1-1.

Marlon Whisky tambe a bai di 1-1. Fernando Rosario a konektá 1 homerun.

Latinos a bati 7 hit i nan a hasi 1 eror. Jean Castillo a resultá picher pèrdèdó i Guilliard Yziek a bai di 2-1.

Jesus Gonzalez i Jose da Silva tambe a bai di 2-1.